Destyds

Destyds

Jy sou dit die tipiese nostalgie van die ouderdom kon noem: ‘n oumens wat in die verlede terug leef en dit verheerlik. Dit het ‘n goeie skoot waarheid in. Oumense is so, hulle hunker terug na wat was, veral as hulle alleen is. Ek is egter oortuig ek het ‘n interessante en geborge jeug gehad, as ek daaronder die jare tot en met die einde van my laerskoolloopbaan verstaan – op hoërskool was dit anders. Nie net is die regte ouers en voorsate vir my gekies nie, ek was ook so bevoorreg om groot te word in tye en omstandighede wat deel van die geskiedenis en miskien selfs flentertjies kultuurgeskiedenis geword het. En dit boonop in ‘n uithoek van die land wat dalk nie so bekend is nie.

Ek het gedink dit sal interessantheidswaarde hê vir dié van my familie, my nasate en vriende en kennisse met genoeg mededoë vir ‘n oumens se terugkyk op sy jeug om die een en ander op skrif, of liewer: op mynrekenaar, te stel.

Dit is nie vir publikasie bedoel nie. As dit was (wat ek my beslis nie sou aanmatig nie), sou ek dit anders aangepak het. Ek probeer dus informeel verslag doen van ‘n paar dinge wat ek kan onthou en wat ek destyds belewe het. Vandaar die titel Destyds. Ek probeer net vertel van destyds. Wat hier volg is brood op die waters. Die verlede is herinnering, dit is
verby. Dit sal nie terugkeer nie. Ek aanvaar dit vir wat dit is.

Diek van Wyk
Jeffreysbaai
Mei, 2017

Klik hier vir inhoudsopgawe

Latest Posts

  • The Unbearable Pain of Being
    The Unbearable Pain of Being
    Foreword Anli Schuin 20 February 1968 – 13 November 2003 On 13th November 2018 we will mark the 15th anniversary of the night Anli, our daughter, sister, mother, aunt and sister-in-law, ended her own life and changed all our lives for ever. This collection of poems and...
  • Afrikaans-Japannese Woordeboek
    Afrikaans-Japannese Woordeboek
    アフリカーンス語・日本語辞典 Die Suid-Afrikaanse Akademie vir Wetenskap en Kuns het vroeër vanjaar (2018), ‘n besondere Erepenning toegeken aan prof. E.F. (Ernst) Kotzé vir uitnemende bydrae tot en diens aan Afrikaans as wetenskaps- en standaardtaal. Prof. Kotzé is emeritus hoogleraar en navorsingsgenoot en dosent van die Nelson Mandela Universiteit in Port Elizabeth....

Teken in op ons nuusbrief

Vul die vorm in en stuur as jy ons gereelde nuusbrief wil ontvang.

In hierdie boek kyk Jean Oosthuizen krities na die NG Kerk se geskiedenis sedert Jan van Riebeeck se aankoms in die Kaap, tot waar die kerk vandag is. In sy bestaan van meer as 350 jaar het die NG Kerk en die Nasionale Party so verstrengel geraak dat die kerk as “die Nasionale Party in gebed” bekend gestaan het. Die teoloog Ferdinand Deist se voorspelling in die laat tagtigerjare dat die kerk sal ondergaan wanneer apartheid tot ’n einde kom, blyk vandag in die kol te wees. As instelling wat apartheid uit die Bybel geregverdig en verdedig het, het die kerk se vernietigende invloed nie alleen gemeenskappe in Suid-Afrika van mekaar vervreem nie – ook lidmate wat kritiese vrae gestel het, is na die periferie geskuif. Talle individue se menswaardigheid is geskend en verskeie loopbane is onder die dekmantel van Christenskap vernietig, soos die skrywer self kan getuig. Oosthuizen se blik strek egter wyer as sy ervaring toe hy in 2013 as nuusredakteur van Kerkbode geskors is ná die opspraakwekkende Woordfees-debakel. Sy reis vanuit die kerk se binnekring sluit die verhale in van gelowiges sowel as ongelowiges wie se paaie met die NG Kerk gekruis het. Die opkoms en ondergang van die NG Kerk bied ’n kontemporêre blik op die tragiese geskiedenis van ’n instelling wat deur die aandadigheid aan verontregting stelselmatig irrelevant geraak het.

Jean se boek kan by enige van die bekende boekwinkels aangekoop word of van takealot.com bestel word teen die afslagprys van R 229. Die Boek kan ook as e-boek (Kindle weergawe) by Amazon.com aangeskaf word.