Boekbekendstellings

Boekbekendstellings
Diek van Wyk

Sommige van die boeke wat Diek van Wyk bekendstel sluit in A History of God van Karen Armstrong, Reading the Bible again for the first time. Taking the Bible seriously but not literally van Marcus J. Borg, en Meeting Jesus again for the first time. The historical Jesus and the heart of contemporary faith. Van Geza Vermes bespreek hy onder andere The changing faces of Jesus en, The Passion en van Elaine Pagels is daar The Gnostic Gospels -, Beyond Belief en The Secret Gospel of Thomas. Van John Caroll is daar ’n bespreking van The Existential Jesus en van John Carroll, The Jesus Mysteries. Van Timothy Freke & Peter Gandy is daar ’n bespreking van Was the original Jesus a pagan god? en Jesus Lived in India. His Unknown Life Before and After the Crucifixion van Holger Kersten word ook bespreek. Dit is maar net ’n paar van die besprekings wat ingesluit is. Selfs al het jy hierdie boeke (of sommige daarvan) self gelees, sal die insig waarmee Diek die boeke bespreek jou verstom.

Klik hier om voorwoord te lees

Voorwoord

Op een of ander manier – ek kan nie meer onthou hoe nie – het ek te hore gekom van Piet van Staden se Gespreksgroep Religie en Aanverwante Sake, kortweg GRAS. Piet is ‘n Hervormde predikant met ‘n oop kop, ‘n doktorsgraad in Nuwe Testament en ‘n gedeeltelike betrokkenheid by ‘n gemeente in Paarl, waar hy GRAS op die been gebring het. Dit was ‘n groep wat gereeld vergader het en maandeliks ‘n nuusbrief, GRASNUUS, onder redaksie van Piet uitgestuur het na ‘n landswye leserskring. Dit is hierby waar ek aangehaak het. Bydraes van lesers is verwelkom en ek het my deel begin doen by wyse van boekbekend-stellings, artikels, verhaaltjies, kort bydraetjies en selfs foto’s. Oor die jare het my aandeel nogal ‘n taamlike omvang aangeneem. Die boek-bekendstellings word hierin saamgevat, die verhale en artikels in ander bundels. Ek het nooit voorgegee dat ek boeke geresenseer het nie. ‘n Resensie veronderstel dat die resensent ‘n kundige op die betrokke terrein is, terwyl ek as ‘n belangstellende leek geskryf het. Dit is dan ook in elke geval so deur GRASnuus aangebied: “Bekend gestel deur Diek van Wyk”. Verder het ek my ook spesifiek tot die leserspubliek van GRASnuus gerig, vandaar die verwysings na GRASnuus en aanbevelings aan lesers. Daar is een uitsondering: ‘n boek wat deur Piet van Staden geskryf is, Towards a Greater God. Dié het ek vir ‘n ander nuusbrief waaraan ek deelgeneem het, met die sentimentele naam Sielsnetwerk, gegee en vir kennisname aan Piet gestuur. Hy het dit toe sonder my medewete in GRASnuus gepubliseer. Het ek dit verwag, sou ek deegliker werk daarvan gemaak het. Terugskouend besef ek, en dink ek, dat daar nogal heelwat interessante stof in die bekendstellings rondlê. Miskien prikkel dit iemand in wie se hande dit beland om van die boeke te lees.

Diek van Wyk
Jeffreysbaai
2014

Latest Posts

  • The Unbearable Pain of Being
    The Unbearable Pain of Being
    Foreword Anli Schuin 20 February 1968 – 13 November 2003 On 13th November 2018 we will mark the 15th anniversary of the night Anli, our daughter, sister, mother, aunt and sister-in-law, ended her own life and changed all our lives for ever. This collection of poems and...
  • Afrikaans-Japannese Woordeboek
    Afrikaans-Japannese Woordeboek
    アフリカーンス語・日本語辞典 Die Suid-Afrikaanse Akademie vir Wetenskap en Kuns het vroeër vanjaar (2018), ‘n besondere Erepenning toegeken aan prof. E.F. (Ernst) Kotzé vir uitnemende bydrae tot en diens aan Afrikaans as wetenskaps- en standaardtaal. Prof. Kotzé is emeritus hoogleraar en navorsingsgenoot en dosent van die Nelson Mandela Universiteit in Port Elizabeth....

Teken in op ons nuusbrief

Vul die vorm in en stuur as jy ons gereelde nuusbrief wil ontvang.

In hierdie boek kyk Jean Oosthuizen krities na die NG Kerk se geskiedenis sedert Jan van Riebeeck se aankoms in die Kaap, tot waar die kerk vandag is. In sy bestaan van meer as 350 jaar het die NG Kerk en die Nasionale Party so verstrengel geraak dat die kerk as “die Nasionale Party in gebed” bekend gestaan het. Die teoloog Ferdinand Deist se voorspelling in die laat tagtigerjare dat die kerk sal ondergaan wanneer apartheid tot ’n einde kom, blyk vandag in die kol te wees. As instelling wat apartheid uit die Bybel geregverdig en verdedig het, het die kerk se vernietigende invloed nie alleen gemeenskappe in Suid-Afrika van mekaar vervreem nie – ook lidmate wat kritiese vrae gestel het, is na die periferie geskuif. Talle individue se menswaardigheid is geskend en verskeie loopbane is onder die dekmantel van Christenskap vernietig, soos die skrywer self kan getuig. Oosthuizen se blik strek egter wyer as sy ervaring toe hy in 2013 as nuusredakteur van Kerkbode geskors is ná die opspraakwekkende Woordfees-debakel. Sy reis vanuit die kerk se binnekring sluit die verhale in van gelowiges sowel as ongelowiges wie se paaie met die NG Kerk gekruis het. Die opkoms en ondergang van die NG Kerk bied ’n kontemporêre blik op die tragiese geskiedenis van ’n instelling wat deur die aandadigheid aan verontregting stelselmatig irrelevant geraak het.

Jean se boek kan by enige van die bekende boekwinkels aangekoop word of van takealot.com bestel word teen die afslagprys van R 229. Die Boek kan ook as e-boek (Kindle weergawe) by Amazon.com aangeskaf word.