Annerkant die Subway

Annerkant die Subway

De Aar, eens die bedrywigste spoorwegaansluiting in die land. Vandag die rustige Karoodorp waar die skoliere wie se stories in hierdie boek opgeteken is, se lewens destyds gevorm is. Skoliere wat vandag nog die woorde van hul skoollied onthou: Vir jou sal ons onthou. Aan jou bly ons getrou. Jy lê die fondament waarop ons voortaan bou.

Die dorp waar kindwees nog speletjies was. Geen TV, geen rekenaars, geen selfone …..Wat bly dan oor vir die jong klomp om hulself mee besig te hou?

In hierdie boek vertel ’n aantal skoliere die stories van destyds, van hul treinedorp en sy treinemense en hul onvergeetlike skooldae daar duskant die duikweg. Stories wat jou soms sal laat skater van die lag maar soms weer ’n traan sal laat wegpink. Stories wat jou met heimwee sal laat terugdink aan die goeie ou dae.

Konsternasie op die stasie; die Sirkus-olifant maak amok; Moonwalk op De Aar se B-veld; Hendrikus spreek in tale; die Ode van die nagkar; Goliat se kettie, die Rottang sê kazook; Koshuiskaskenades; Kaal boude in die swembad; Vrugte steel by ou Senator; Die reënwurms in Ds. Postma se katkisasieklas en nog vele meer lekkerlag stories.

Lees hoe onthou hulle hul onderwysers: Die onvergeetlike oom Seppie Jooste, Pappa van Rensburg, Sir de Villiers, Flash Fourie, Vlakhaas Kotzé, Beef du Preez, die legendariese Bok Stander en nog vele ander.

Deur hierdie stories word daar gepoog om gestalte te gee aan De Aar en sy mense van destyds met die doel om dit vir die jonger geslag te bewaar.

Latest Posts

  • The Unbearable Pain of Being
    The Unbearable Pain of Being
    Foreword Anli Schuin 20 February 1968 – 13 November 2003 On 13th November 2018 we will mark the 15th anniversary of the night Anli, our daughter, sister, mother, aunt and sister-in-law, ended her own life and changed all our lives for ever. This collection of poems and...
  • Afrikaans-Japannese Woordeboek
    Afrikaans-Japannese Woordeboek
    アフリカーンス語・日本語辞典 Die Suid-Afrikaanse Akademie vir Wetenskap en Kuns het vroeër vanjaar (2018), ‘n besondere Erepenning toegeken aan prof. E.F. (Ernst) Kotzé vir uitnemende bydrae tot en diens aan Afrikaans as wetenskaps- en standaardtaal. Prof. Kotzé is emeritus hoogleraar en navorsingsgenoot en dosent van die Nelson Mandela Universiteit in Port Elizabeth....

Teken in op ons nuusbrief

Vul die vorm in en stuur as jy ons gereelde nuusbrief wil ontvang.

In hierdie boek kyk Jean Oosthuizen krities na die NG Kerk se geskiedenis sedert Jan van Riebeeck se aankoms in die Kaap, tot waar die kerk vandag is. In sy bestaan van meer as 350 jaar het die NG Kerk en die Nasionale Party so verstrengel geraak dat die kerk as “die Nasionale Party in gebed” bekend gestaan het. Die teoloog Ferdinand Deist se voorspelling in die laat tagtigerjare dat die kerk sal ondergaan wanneer apartheid tot ’n einde kom, blyk vandag in die kol te wees. As instelling wat apartheid uit die Bybel geregverdig en verdedig het, het die kerk se vernietigende invloed nie alleen gemeenskappe in Suid-Afrika van mekaar vervreem nie – ook lidmate wat kritiese vrae gestel het, is na die periferie geskuif. Talle individue se menswaardigheid is geskend en verskeie loopbane is onder die dekmantel van Christenskap vernietig, soos die skrywer self kan getuig. Oosthuizen se blik strek egter wyer as sy ervaring toe hy in 2013 as nuusredakteur van Kerkbode geskors is ná die opspraakwekkende Woordfees-debakel. Sy reis vanuit die kerk se binnekring sluit die verhale in van gelowiges sowel as ongelowiges wie se paaie met die NG Kerk gekruis het. Die opkoms en ondergang van die NG Kerk bied ’n kontemporêre blik op die tragiese geskiedenis van ’n instelling wat deur die aandadigheid aan verontregting stelselmatig irrelevant geraak het.

Jean se boek kan by enige van die bekende boekwinkels aangekoop word of van takealot.com bestel word teen die afslagprys van R 229. Die Boek kan ook as e-boek (Kindle weergawe) by Amazon.com aangeskaf word.